Gästebuch
-
#14
Rägä Rägä Rägä. Ja d Lilianne mit Heiser Heiser Heiser. Grad umgekert,z Jour spint au ä chli.
-
#13
Alli hinn gnueg vu dem Rägä wos dr ganzi Augschtä schu gii hät. Miär plangen uf d'Sunne!!!!
D'Cheiischilbi ufem Wildäbärg isch en vollä Erfolg gsii. I dangä allne wo üsere Buurästand unterstüzen, indem sie a so Aläss wiä d'Cheiischilbi ufem Wildäbärg, en Alpgottesdienscht, dr Wuchämärt am Friitig im Dorf oder au uf Sargas an Wii und Cheiismärt im Scholl (12.9.2010) günn. Na schünner isches winn na öpis kauft würd und me Ziit hät fürnes Gspröch hät.
S'Füürweerfescht isch gmüetli über Büüni gangä.
Dange denä Fraue und Maanä wo voll im Iisaz gschtandä sinn. Vum Morgä bis zum nächschtä Morgä!!! Und natürli au d'Vorbereitig und s'Ufrumä nit vergässe. I hoffe uni Chopfwee!
I glaube dr nächschti Alass chunnt au bald, winn dr Mundartautor Sinti Alois vu sinä Sagä vorliist oder verzellt.
Es grüesst e hoffnigsvoll uf Sunnä Wartendi -
#12
So hät t Schuäl ä wider a gfangä.
-
#11
Nu na drü Bsuecher uf dr Chliibärgärsitä uf dem verblüemlete PC und 3000 Lüt sin uf derä Sitä ummächu.
S'letscht mol woni öppis gschriibä ha isch doch so heiss gsii. Jez aber sin dr Röll und dr Winkli i dr Gaiswisä über d'Ufer gangä und hinn ä Hufä Arbät agreisset, au bem Weiiher unterhalb vum Gapatschä hät dr Röll sin eigenä Wäg gfunde. Was ihm im Wäg gsii isch hät er uf Zittä grumt. Gugibrugg und dr Fahrwäg hin müesse dra glaube. Na schlimmer häts s'Schilstal troffä. Alli Bruggä hät döt s'Wasser uf zitä grummt bis an eini. Es sind ä hufä Lüt vur Umwält abgschnittä wordä. Jä sogär fascht umchu i denä uberächäbarä Wassermassä isch dr Stoup Niggi. Ich glaubä jez gnüsst er sis Läbä vil bewusster! Das sötten au miär machä, dinn winn üsers letschti Stündli schlout weiss nu einä!
Also gnüsens Läbä bis zum nächtä mol!!!!!!!!! -
#10
Heiss,heisser...... Höiwetter am Chliiberg!
(Fast)Alli sind fertig mit höiä ja sogär isch schu giimdet. Be der Hiz sind diä einä a Walläsee oder ufä Guschä aber sicher irgendwo in Schattä wins welicht gangä isch. Jez warten aber alli uf diä Gwittr wo dr Fernsee agseit hät.
Woni hüt wider zum Rechä ha dörfä griife, hät mier en "altä Chliibärgr" gseit, dass er obwol er nümme am Chliibärg wuuni uf derä Sitä öppä go luäge gechi. Das hät mi ganz erstuunt und glichzitig riisig gfreut. Drum grüess ich uf dem Weg alli "Chliibärger" vu Nah und Fern.
Wider isch Summer und zu dem kört au d'Chäs-chilbi ufem Wildeberg. Hür isch si am Sunntig 8.August 2010. Es git feini Chäisröüschti, Chäisplättli oder Chäisbrout. Für e Dessert hin e hufä Fraue feini Chüäche und Tortä bachä. Also hoffi iär chünn a d'Chäis-Chilbi 2010. Tschüss bis bald!!!!! -
#9
so ganz zuefällig hett's üs em Friitigobig uf e Chlibärg ans Summerfescht verschlage............s isch noch lustig gsi, aber diä Chlibärger hend üs glaub grad a gseh, dass miär vom Steibockland chömmend, sie hend emol nit glaubt, dass mer Züzi's sind!!!8haha!!) Chömend wieder es mol...............
-
#8
Super miär hin ä neue Gmeindrout!!!!!!!!!!!!
Dr Marcel vum Houläwäg hät dr Sprung hüt gschafft. Ich bis hüt am Sommerfescht Brönsch innä wordä und ha mit megariesig gfreut.
Ich wüschä dm Marcel alles Gueti i sim neue Amt. Es chunn jez ä hufä Ufgabe uf iin zuä won är muäss mit beschtem Wüssä und Gwüssä muäss chünne löüssä. Tiimgeischt und Usduur bruchts im neue Amt. Viel Glügg und bis bald ämol. -
#7
Ich finde den Aufbau der Seite sehr gut.Macht weiter so.
-
#6
"Die Brücke am Schils"
von Reda Liebenmann
Getrieben hat's uns über die schaurige Schlucht,
angezogen vom Kaffeduft
aus dem Blick auf den Spitzmeilen.
Doch im Aueli, welch ein Graus,
fast ging uns aus der Schnauf.
Moder und Löcher auf schwankendem Steg!
Derweil weiter oben im Tal so wild,
eine zweite Brücke steht,
schön wie aus dem Bild!
Soweit "Die Brücke am Schils"
von Reda Liebenmann
Teil I (?) -
#5
Ja am Samschtig hani mim Schtimmzätl überchu. Und hüt isch au dr "Fläyyer" vu "mim" Chliibärger is Hus gschneiit. Ich persönli glaube, dass alli Chliibärger sötten go schtimmä guu oder wenigschtens s'Schtimmformular uszfüllä und dm Kilian mitgii. I hoffä, dass miär us Überzüügig und Soldarität üserem Chliibärger ä Schasä gin. Es grüässt öi ä fascht emanzipiärti Frau!
-
#4
Das isch nit zum glaubä!
Schu es halbs Jour isch vergangä, uni dass siäch öppert is Gäschtebuäch itreit hetti. Was isch blouss louss mit öi????
Hüt wüschi allnä woni no nit gschribä oder gsiä ha: E guäts nöis Jour! Zfriidäheit, Gsundheit. Gottes Sägä und alles Glügg vo mä siäch so wüschä chönti für alli Chliibärger und settig wos gärä wären. -
#3
An alli wo uf dere Sitä umächün wüsch i recht schüni feriä
de Puurä stiärigs Heuwättr, da Chind Sunnäschii zum badä, de müäde en Rägätag zum siäch erhoulä, dr Wolkergruppä ä schünä Mintigoubet mit Träff am sibni uf dr Muttäbrugg, de Chörler immer es liäd uf de Lippä mit ärä gwüsse Vorfreud uf diä Reiis im Auguscht wo uf Salzburg gout....
das alles und no viil mei wüscht eu d'Lilianne -
#2
Nochmals einen herzlichen Dank an alle Teilnehmerinnen und den Teilnehmer des NW-Kurses. Wir waren eine tolle Gruppe und die Mischung vom Erlernen der Technik, das Kennenlernen der wunderschönen Landschaft Chliibärg, der Ortsbezeichnungen und das gesellige Miteinander hat riesigen Spass gemacht. Ich finde es toll, dass ihr den Treff jeweils montags, 19.00 Uhr bei der Muttenbrücke gleich beibehaltet. Wunderschöne Wege gibts ja zuhauf! Wer weiss, vielleicht sehen wir uns wieder?
Wünsche euch weiterhin erholsame Stunden beim Gehen und denkt daran: fassen-stossen-loslassen! Toi, toi, toi
Lieber Gruss Susanne -
#1
hallo vom walenstadtberg,
während einer reha hat man zeit um viele infos zu suchen oder nachzulesen. unter tourismus dürfte man vielleicht auf den neuen naturerlebnispfad schönhalden-saxli hinweisen. sonst ist alles super. gatulation.
gruss hitsch
Druckversion